YOGA NIDRA námskeið 1. maí á Selfossi

Yoga Nidra fyrir ykkur sem vilja losna við streitu, fá betri svefn og byggja upp líkama og sál.

Ég er að fara af stað með Yoga Nidra námskeið í 4 vikur þar sem við byggjum okkur upp, enduhlöðum og losum okkur við streitu fyrir sumarið.

Námskeiðið byrjar 1.maí 19:00 – 20:15, samtals 4 vikur,
1x sinni í viku.
Yoga Nidra hugleiðsludiskur fylgir með.
Námskeiðið kostar kr. 10.000
Dagarnir og tímar eru:

1.maí kl:19:00 – 20:15
8.maí kl:19:00 – 20:15
15.maí kl:19:00 – 20:15
22.maí kl:19:00 – 20:15

Endilega farið inn á netsíðuna mína www.thesunflower.is
og lesið um Yoga Nidra þar.

Látið mig vita sem fyrst ef þið viljið vera með.
Hef bara 8 pláss, svo það fyllist fljótt :0)

Ljós og kærleikur
Ragnhildur Sigurðardóttir
693 2197

YOGA NIDRA námskeið 1. maí á Selfossi

Hér er stutt lýsing á því  hvernig Yoga Nidra tíminn er uppbyggður.

Yoga nidra er forn yogaástundun og mætti kalla hana liggjandi hugleiðslu sem virkjar heilunarmátt líkamans og hjálpar til við að losa djúpstæð tilfinningaferli áreynslulaust, oft nefnd svefnhugleiðsla. Yoga Nidra leiðir þig niður í mjög djúpa slökun á milli svefns og vöku, þar sem hugurinn og líkaminn er laus við stress, álag og áreiti. Þegar hugurinn fær hvíld fær líkaminn tækifæri til að heila sig sjálfur og iðkandinn kemur endurnærður til baka. Það er sagt að 40 mínútur af Yoga Nidra sé álíka endurnærandi fyrir líkamann í heild sinni eins og þriggja tíma svefn.
Þessi aðferð losar um streitu og spennu sem fylgir auknu álagi, hraða og annríki nútímans. Orðið nidra þýðir svefn og yoga nidra er yogískur svefn þar sem líkaminn hvílist á meðan undirmeðvitundin er leidd í djúpt slökunarástand handan skilningarvitanna, þar sem engin streita býr og fullkomin eining ríkir. Þessi djúpa slökun hjálpar til við að losa um spennu og hindranir hugans sem geta dregið úr okkur orku í daglegu lífi. Til að þetta takist verðum við að sleppa tökum á hugsunum okkar en hugsanirnar hverfa áreynslulaust þegar við erum við það að sofna. Svefnleysi orsakast oft einmitt vegna þess að við getum ekki slökkt á hugsunum okkar. Oft tökum jafnvel ekki eftir allri streitunni sem er í kringum okkur fyrr en hún er farin að valda vandamálum og er Yoga Nidra ein af mörgum aðferðum til að vakna til vitundar.

Í þessum 60- 75 mínútna tímum byrjum við á mjúkum teygjum, hreyfingum og mýkjum líkamann upp áður en lagst er niður í þægilega stöðu með teppi og púða fyrir Yoga Nidra endurnærandi fyrir líkama og sál.

Nýlegar færslur
0